Lukaşenko: Ermənistanın mövqeyi aydınlaşdırılmalıdır

Belarus Prezidenti Alexander Lukashenko Kollektiv Təhlükəsizlik Müqaviləsi Təşkilatı (KTMT) ilə Ermənistan arasında əlaqələrin davam etdirilməsinin vacibliyini vurğulayıb.       Sun.Az           xəbər verir ki, bu barədə BelTA agentliyinin Telegram kanalında məlumat yayılıb.               

Lukaşenko bildirib ki, Ermənistanda baş verən gərgin seçki dövrü fonunda ölkə rəhbərliyinin KTMT-dəki mövqeyi ilə bağlı açıq və dürüst müzakirələrin aparılması zəruridir.

"Bu mərhələdə Ermənistana səfər edərək Baş nazir, prezident və Təhlükəsizlik Şurasının katibi ilə görüşmək, onların gələcək planları və mövqeləri ilə yaxından tanış olmaq məqsədəuyğun olardı", - deyə Belarus lideri qeyd edib.