Moskva-İrəvan dialoqu davam edir: növbəti görüş planlaşdırılır

Ermənistanın Baş naziri Nikol Paşinyan və Rusiya Prezidenti Vladimir Putin yaxın zamanda növbəti üzbəüz görüş keçirəcəklər.           Sun.Az            xarici mediaya istinadən xəbər verir ki, bu barədə Paşinyan Armenpress tərəfindən yayımlanan brifinqdə məlumat verib.         

"Artıq üzbəüz görüşlə bağlı razılığa gəlmişik. İyunun ikinci yarısı da daxil olmaqla, yüksək səviyyəli görüşün keçirilməsi planlaşdırılır", - deyə o bildirib.

Qeyd edək ki, Rusiya və Ermənistan liderləri aprelin 1-də Moskvada da danışıqlar aparıblar. Görüş zamanı tərəflər internet məhdudiyyətləri məsələsini müzakirə ediblər. Paşinyanın sözlərinə görə, bəzi ermənilər sosial mediada həddindən artıq azadlığın olduğunu düşünür.