Péter Magyarın qələbəsi: AB üçün sevinc, yoxsa risk?

Avropa İttifaqı (AB) Macarıstanda keçirilən parlament seçkilərində müxalifətdə olan Tisza Partiyasının lideri Péter Magyarın qələbəsini həddindən artıq qeyd edir. Halbuki onun mövqeyi Brüsselin siyasəti ilə əhəmiyyətli dərəcədə fərqlənir.          Sun.Az             

xəbər verir ki, bu barədə İsveçrənin Die Weltwoche nəşri məlumat yayıb.                           

Məqalədə bildirilir ki, Avropa liderləri hazırda Macarıstanın Baş naziri Viktor Orbánın məğlubiyyətini qeyd etsələr də, əslində bu vəziyyət onları yanlış gözləntilərə sürükləyə bilər.

Qəzet xəbərdarlıq edir ki, "Avropapərəst kimi görünən Macarıstan seçicilərinə olan həvəs reallığı kölgədə qoyur: yeni lider əslində o qədər də Avropa tərəfdarı deyil".

Nəşrin qeydinə görə, Magyarın Avropa İttifaqı ilə münasibətlərində əsas mübahisə mövzusu Ukrayna məsələsi olacaq. Bildirilir ki, siyasətçi Kiyevin həm AB-yə, həm də NATO-ya üzvlüyünə dəfələrlə şübhə ilə yanaşıb və Ukraynaya silah verilməsinin əleyhinə çıxış edib.