Trampdan İrana dair açıqlama: "Mini-səyahət etməli olduq"

ABŞ Prezidenti Donald Trump İranla bağlı münaqişədən danışaraq hərbi əməliyyatları ölkəsi üçün "məcburi mini-səyahət" kimi dəyərləndirib.         Sun.Az         xəbər verir ki, Amerika liderinin çıxışının videosu The White House-un YouTube kanalında yayımlanıb.          

"Biz İrana ‘mini-səyahət’ etməli olduq. Mən bunu istəmirdim, lakin məcbur qaldıq, çünki onların nüvə silahına sahib olmasına icazə verə bilmərik", - deyə Tramp bildirib.

ABŞ Prezidenti həmçinin hərbi əməliyyatların "çox rahat" getdiyini və ölkəsinin istədiyi nəticəni əldə edə biləcəyinə əminliyini ifadə edib.

"Bu, mükəmməldir. Müharibə yəqin ki, tezliklə bitəcək", - deyə o əlavə edib.