İrandan çıxarılması istənilən urana daha bir namizəd tapıldı

Diplomatik mənbələrdən əldə edilən məlumata görə, Çin Trampın münaqişəni dayandırmaq məqsədilə irəli sürdüyü razılaşma çərçivəsində İrandan çıxarılması nəzərdə tutulan təxminən 440 kiloqram zənginləşdirilmiş uranın saxlanılması və ya zənginləşdirmə səviyyəsinin aşağı salınması üzrə məsuliyyəti öz üzərinə götürməyə hazırdır.       Sun.Az                xəbər verir ki, bu barədə "Associated Press" (AP) agentliyi məlumat yayıb.                        

Müəllifin sözlərinə görə, hazırkı vəziyyətdə görünən odur ki, Tramp ötən ilin iyun ayında ABŞ-nin bombardmanı nəticəsində ciddi ziyan görən nüvə obyektlərinin altında yerləşdirildiyi ehtimal edilən materialların ölkəsinin nəzarətinə keçməsini istəyir.

Lakin İranın ən böyük ticarət tərəfdaşı olan Çin Vaşinqton və Tehranın müraciət edəcəyi təqdirdə uranı qəbul etməyə və onu mülki məqsədlər üçün istifadə edilə biləcək səviyyəyə çatdırmağa hazır olduğuna dair işarələr verir. Bu barədə ictimai açıqlama vermək səlahiyyəti olmayan və bu həssas məsələni müzakirə etmək üçün adının gizli saxlanılmasını xahiş edən diplomat bildirib.

Qeyd edək ki, 2015-ci ildə Hərtərəfli Birgə Fəaliyyət Planı çərçivəsində İran nüvə sazişinin əsas şərtlərindən birini icra etmək məqsədilə təqribən 25 000 funt (11 000 kq) aşağı səviyyədə zənginləşdirilmiş uranı Rusiyaya göndərib.