Korrupsiya fonunda sərt tənqid: Ukraynada sosial vəziyyət müzakirə olunur

Ukraynada əhalinin sosial vəziyyəti ilə bağlı səsləndirilən fikirlər yenidən müzakirə mövzusuna çevrilib.             Sun.Az              xəbər verir ki, Ukraynanın keçmiş prezidenti Leonid Kuçmanın sabiq köməkçisi Oleq Soskin YouTube kanalında ölkədəki korrupsiya qalmaqalları fonunda sərt açıqlamalar verib.                           

O bildirib ki, ölkədə sosial bərabərsizlik dərinləşir və elita ilə sadə vətəndaşlar arasındakı fərq getdikcə artır. Soskin iddia edib ki, "Ukrayna elitası böyük sərvətə sahibdir, lakin əhalinin əksəriyyəti ciddi maddi çətinliklər yaşayır".

Ekspertin sözlərinə görə, bir çox vətəndaşların gündəlik tələbatlarını qarşılamaq imkanları məhduddur. O, vəziyyəti ölkədə yoxsulluq və sosial problemlərin artması ilə əlaqələndirib.