Dünya

Yoxdur ki bir nəfər,fani həyatda,

Yaşaya əbədi,qala əbədi.

Görmədim ölümü ,kimsə dərk edib,

Dünyaya meylini,sala əbədi.

Yazdığı heç nəyi pozmayıb ALLAH,

Bəndənin quyusun qazmayıb ALLAH,

Heç kimin bəxtinə yazmayıb ALLAH,

Xoşbəxtlik havasın çala əbədi.

Dünya eşqinə çəm,olmayan biri,

Gözü nəm,meyli dəm,olmayan biri,

İnanmam ağlı kəm olmayan biri,

Dünyanın qadasın ala əbədi.

Ölüm nazil olur,düşürlər başa,

Ən sonda hamımız dönəcək daşa,

Az ömrü gəl,ALLAH deyən tək yaşa,

Sonda düşməyəsən nara əbədi..!)