Zaxarova: "Rusiya xalqı Zelenskinin təhdidlərinə qarşı birləşib"

Rusiya Xarici İşlər Nazirliyinin sözçüsü Mariya Zaxarova TASS-a verdiyi müsahibədə Rusiya xalqının Ukrayna Prezidenti Volodimir Zelenskinin təhdidlərinə qarşı birləşdiyini bildirib.               Sun.Az                     

xarici mediaya istinadən xəbər verir ki, diplomat Qələbə Günü paradı öncəsi səsləndirilən təhdidlərlə bağlı şəxsi münasibətinə dair sualı cavablandırarkən rəsmi mövqe ilə heç bir fikir ayrılığı və ya daxili tərəddüd yaşamadığını deyib.             

Zaxarova vurğulayıb ki, ölkədə insanların böyük əksəriyyəti eyni mövqeni bölüşür və bunu mühüm amil hesab edir.

XİN sözçüsü bildirib: "Hər kəsin öz hekayəsi var. Ancaq həm ölkənin, həm də ailələrimizin tarixinin yenidən yazılmasının və unutdurulmasının yolverilməz olduğunu düşünmək, məncə, bütün ölkədə ən geniş yayılan hissdir".