Böyük Britaniya və Fransa Hörmüz boğazı ilə bağlı müdafiə nazirlərinin görüşünə ev sahibliyi edəcəklər

Britaniya hökuməti bildirib ki, çərşənbə axşamı Britaniya və Fransa Hörmüz boğazında ticarət axınının bərpası ilə bağlı hərbi planları müzakirə etmək üçün müxtəlif ölkələrin müdafiə nazirlərini qəbul edəcək.          Sun.Az             CNN-ə istinadən xəbər verir ki, Britaniya Müdafiə Nazirliyinin açıqlamasında deyilir: "Müdafiə naziri Con Healey, çoxmillətli missiyanın ilk müdafiə nazirinin görüşü üçün fransalı həmkarı Ketrin Votrin ilə birlikdə 40-dan çox ölkənin iştirak etdiyi görüşə həmsədrlik edəcək". İran xarici işlər nazirinin müavini Kazem Qəribabadi bazar günü Böyük Britaniya və Fransanı Hörmüz boğazında hərbi gəmilərini yerləşdirməmək barədə xəbərdar edib. Böyük Britaniya şənbə günü bildirib ki, minaların təmizlənməsini dəstəkləmək və gəmiləri qorumaq üçün "ciddi müdafiə" planının bir hissəsi olaraq HMS Dragon döyüş gəmisini Yaxın Şərqə göndərir.                       

Fransa Silahlı Qüvvələr Nazirliyinin açıqlamasında bildirilir ki, ötən həftə Fransa Hörmüz boğazının təhlükəsizliyini təmin etmək üçün potensial missiyanın planlaşdırılması çərçivəsində Qırmızı dənizə öz aviadaşıyıcı zərbə qruplaşmasını göndərib. Böyük Britaniya və Fransa su yolunda gəmiçiliyin təhlükəsizliyini təmin etmək üçün çoxmillətli bir missiya qurmaq səylərinə rəhbərlik edərək, digər beynəlxalq tərəfdaşları da iştirak etməyə təşviq ediblər. Heley, HMS Dragon gəmisini Yaxın Şərqə göndərdiyini, "buna görə də Britaniyanın bu missiyanı lazım olduğu anda dəstəkləmək mövqeyində olduğunu" söyləyib.

Müəllif: İlkin Məmmədkərimov