Litva nazirinin çağırışı gərginliyi artırdı

Litvanın xarici işlər naziri Kestutis Budrisin Şimali Atlantika Alyansını "Kalininqrada hücum" etməyə çağırması Baltikyanı ölkələr üçün olduqca təhlükəli hesab olunur.               Sun.Az                    xəbər verir ki, bu fikirləri britaniyalı hərbi analitik Aleksandr Merkuris özünün YouTube kanalında səsləndirib.                                  

"Avropa liderlərinin bütün rasional hesablamalar əsasında vəziyyəti sakitləşdirməli və ritorikanı yumşaltmalı olduqları bir dövrdə niyə əksinə addımlar atmağa çalışdıqlarını başa düşmürəm. Bu, son dərəcə ehtiyatsız və çox təhlükəli davranışdır", - deyə ekspert bildirib.

Analitik vurğulayıb ki, Rusiya Kalininqrada qarşı NATO tərəfindən atılacaq istənilən addıma cavab verəcək və bu cür təxribatlar Baltikyanı regionda gərginliyi daha da artıracaq.