Putin: Rusiya-Ermənistan münasibətlərinin inkişafında maraqlıyıq

Rusiya Prezidenti Vladimir Putin Ermənistanın Baş naziri Nikol Paşinyanı ad günü münasibətilə təbrik edib və Moskva ilə Yerevan arasında münasibətlərin ənənəvi olaraq dostluq xarakteri daşıdığını vurğulayıb.                Sun.Az                     

xəbər verir ki, bu barədə Kremlin mətbuat xidməti Rusiya liderinin təbrik məktubunu yayıb.                   

Bəyanatda qeyd olunub ki, Rusiya və Ermənistan xalqları arasında münasibətlər tarixən dostluq prinsiplərinə əsaslanır.

"Ölkələrimiz və xalqlarımız arasında münasibətlər ənənəvi olaraq dostluq xarakteri daşıyır. Biz onların gələcəkdə də inkişaf etməsində maraqlıyıq", - deyə Putin bildirib.

Rusiya Prezidenti təbrik məktubunda Nikol Paşinyana möhkəm cansağlığı, xoşbəxtlik və dövlət fəaliyyətində uğurlar arzulayıb.