Azərbaycan nefti kəskin ucuzlaşdı - son qiymət

Azeri Light" markalı Azərbaycan neftinin 1 barelinin qiyməti 2,9 ABŞ dollar azalıb.

Duz.az xəbər verir ki, dünya bazarında "Azeri Light" markalı Azərbaycan neftinin 1 barelinin qiyməti 2,9 ABŞ dolları və ya 2,77 % azalaraq 101,68 ABŞ dolları təşkil edib.

Azərbaycanın builki dövlət büdcəsində bir barel neftin orta qiyməti 65 ABŞ dollarından hesablanıb.

Xatırladaq ki, "Azeri Light" neftinin ən aşağı qiyməti 2020-ci il aprelin 21-də (15,81 ABŞ dolları), maksimal qiyməti isə 2008-ci ilin iyulunda (149,66 ABŞ dolları) qeydə alınıb.