Dörd səhvə görə sobanız daha pis işləyir və xarab olur

Sobadan düzgün istifadə etməmək yalnız yeməkləri korlamır, həm də texnikanın sıradan çıxmasını sürətləndirir. Ən çox rast gəlinən səhvlərdən biri bişirmə zamanı sobanın qapısını tez-tez açmaqdır. Bu isə qızdırıcı elementlərin və rezin izolyasiyaların daha tez aşınmasına səbəb olur.

Loading.az bu 4 səhvi təqdim edir:

Sobaya heç vaxt qoyulmamalı olan 7 şey

Yeməklərin yanlış yerləşdirilməsi

Yeməklərin sobada düzgün yerləşdirilməməsi həm yeməyin keyfiyyətinə, həm də sobanın işinə mənfi təsir göstərə bilər. Əgər yemək üst qızdırıcı elementə çox yaxın qoyularsa, üst hissəsi tez yanacaq, içi isə çiy qala bilər. Əksinə, yemək çox aşağı yerləşdirildikdə alt hissə tez yanır. Bundan başqa, qab və ya list isti havanın dövranını bağlayarsa, yemək qeyri-bərabər bişər.

Sobanın həddindən artıq doldurulması və ya yanlış rəfin seçilməsi yeməyin qurumasına, yanmasına və ya yaxşı bişməməsinə səbəb olur. Buna görə də yeməkləri sobada düzgün yerləşdirmək və istiliyin bərabər yayılması üçün kifayət qədər boşluq saxlamaq vacibdir.

Sobanın həddindən artıq yüklənməsi

Sobanın ağır qablarla və ya çoxlu yeməklə yüklənməsi onun işinə ciddi zərər verə bilər. Bu zaman isti hava normal dövr etmir, soba qeyri-bərabər qızır, ventilyator və qızdırıcı elementlər isə daha çox yüklənir.

Bəzi hallarda rəflər və istiqamətləndiricilər deformasiya ola bilər.

Bundan əlavə, ventilyasiya dəliklərinin bağlanması və ya sobanın uzun müddət maksimum temperaturda işləməsi qızdırıcı elementlərin, qapı rezinlərinin və temperatur sensorlarının daha tez sıradan çıxmasına səbəb olur. Həddindən artıq isinmə nəticəsində soba qeyri-sabit işləyə və tamamilə xarab ola bilər.

Sobada termometrdən istifadə etməmək

Sobada termometr istifadə etməmək yeməyin uğursuz alınmasının ən geniş yayılmış səbəblərindən biridir. Bir çox insan yalnız reseptdə göstərilən vaxta və ya sobanın daxili göstəricisinə güvənir. Halbuki real temperatur çox vaxt göstəriləndən 10-30°C, bəzən isə daha çox fərqlənir.

Bunun nəticəsində aşağıdakı problemlər yaranır:

Ət çöldən yanır, içi isə çiy qalır

Şirniyyatlar çökür və ya yaxşı bişmir

Peçenye həddindən artıq quruyur

Yeməklər reseptdə göstəriləndən tez və ya gec hazır olur

Sobanın qapısını tez-tez açmaq

Sobanın qapısı açıldıqda isti hava sürətlə çölə çıxır və daxildə temperatur kəskin şəkildə aşağı düşür. Bundan sonra sobanın yenidən lazımi temperatura çatması üçün vaxt tələb olunur. Daimi temperatur dəyişiklikləri yeməyin qeyri-bərabər bişməsinə və ya daha uzun müddətdə hazır olmasına səbəb olur. Bu xüsusilə şirniyyatlara mənfi təsir edir.

Biskvit, keks, sufle və mayalı xəmir temperatur dəyişikliklərinə çox həssasdır. Sobanı çox tez və ya tez-tez açdıqda xəmir çökə, qalxmaya və ya yumşaqlığını itirə bilər. Beze və digər həssas desertlər isə çatlaya bilər. Sobanın bu funksiyasını işlətmək məsləhət deyil texnikaya zərər verə bilər.