Ermənistanda seçkilərlə bağlı qalmaqallı iddia

Ermənistan hakimiyyətinin parlament seçkiləri dövründə xaricdən ölkəyə gələn vətəndaşların ölkəni tərk etməsinə məhdudiyyət tətbiq etməyə başladığı iddia olunur.                                   Sun.Az                   

xəbər verir ki, bu barədə müxalifətdə təmsil olunan "Ermənistan" fraksiyasının deputatı Geqam Manukyan özünün Facebook səhifəsində paylaşım edib.              

"Dünən məlum oldu ki, vətənlərinə gələn və daha sonra, məsələn, Rusiyaya qayıtmağı planlaşdıran bir çox soydaşımızın Ermənistanı tərk etməsinə qadağa qoyulub", - deyə deputat bildirib.

Onun sözlərinə görə, hakimiyyət bununla qanun pozuntusuna yol verir. Manukyan qeyd edib ki, Ermənistan qanunvericiliyinə əsasən, yalnız cinayət törətmiş və ya cinayət məsuliyyətinə cəlb olunmuş şəxslərin ölkədən çıxışına məhdudiyyət qoyula bilər.