Lavrov: "ABŞ Rusiyadan yeni güzəştlər tələb edir"

Amerika Birləşmiş Ştatları (ABŞ) Rusiyaya Ukrayna ilə bağlı əlavə güzəştlərə getməsi üçün yeni təklif irəli sürüb.                             Sun.Az              

xəbər verir ki, bu barədə Rusiyanın xarici işlər naziri Sergey Lavrov "Primakov Oxuları" beynəlxalq elmi-ekspert forumunda çıxışı zamanı bildirib.    

Lavrov qeyd edib ki, təxminən bir il əvvəl Alyaskada ABŞ ilə əldə olunan razılaşmalar artıq kompromis xarakteri daşıyıb.

"İndi isə bizə deyirlər ki, 'Qulaq asın, bu, hələ nəticə vermir, gəlin daha bir güzəştə gedək'. Biz orada heç bir güzəştə getmədik. Sadəcə, hərbi əməliyyatların dayandırılması və digər məsələlərin danışıqlar masasında həllinə başlanılması ilə bağlı razılıq əldə etmişdik", - deyə Lavrov vurğulayıb.