Abxaziya Gürcüstanla bağlı yeni ittiham irəli sürdü

Abxaziya Gürcüstanı münasibətlərin normallaşmasına mane olmaqda ittiham edib.                                         Sun.Az                       

xəbər verir ki, bu barədə TASS agentliyinin yaydığı məlumata əsasən, Abxaziyanın xarici işlər naziri Oleq Bartsits açıqlama verib.              

Diplomatın sözlərinə görə, Gürcüstan Abxaziya ilə münasibətlərdə hərbi gücdən istifadənin qadağan olunmasını nəzərdə tutan sazişin imzalanmasına mane olur.

"Gürcüstan ən vacib məqsədimizə - hərbi güc tətbiq edilməməsi barədə sazişin bağlanmasına nail olmağımıza imkan vermir. Abxaz tərəfi bütün mübahisələrin yalnız dinc və konstruktiv yollarla həllinin tərəfdarıdır", - deyə Bartsits bildirib.

O əlavə edib ki, Suxuminin irəli sürdüyü yanaşma regionun tarixi və siyasi reallıqlarına uyğun gəlir.