Rusiyanın Ukraynaya hücumları davam edir: Ölən və yaralananlar var

Rusiya Silahlı Qüvvələrinin Ukraynanın müxtəlif bölgələrinə endirdiyi son raket və pilotsuz uçuş aparatı zərbələri insan tələfatına səbəb olub.         Sun.Az               

ABC News-a istinadən xəbər verir ki, Ukrayna mənbələrinin məlumatına görə, hücumlar nəticəsində ümumilikdə 5 nəfər həyatını itirib, daha 22 nəfər yaralanıb.                       

Ən ağır zərbələrdən biri Odessa şəhərinə endirilib. Hücum zamanı 2 nəfər ölüb, ikisi uşaq olmaqla 10 nəfər müxtəlif dərəcəli bədən xəsarətləri alıb.

Sumı vilayətində isə 7 nəfərin yaralandığı bildirilir. Yaralılar arasında bir uşağın da olduğu qeyd edilir.

Zaporojye vilayətində də Rusiya ordusunun zərbələri nəticəsində 3 nəfər həlak olub, daha 5 nəfər yaralanıb. Ukrayna rəsmiləri dağıntıların aradan qaldırılması və zərərin qiymətləndirilməsi istiqamətində işlərin davam etdiyini bildiriblər.

Müəllif: İlkin Məmmədkərimov