Sənsən

Özgə sevgilərə toxdu gözlərim,
Ruhumun, qəlbimin qidası sənsən.
Mənim nağıl kimi bu həyatımın
Nöqtəsi, vergülü, nidası sənsən.

​Yaratdın yenidən külümdən məni,
Ayırma, ay Allah, gülümdən məni.
Duyulur arzular dilimdən mənim,
Dilimin əən gözəl duası sənsən.

​Sən gül, üzü dönsün bizdən həsrətin,
Olmasan, mən gülüb sevinim çətin.
Dünyaya sığmayan bu məhəbbətin
Sinəmdə hayqıran sədası sənsən.

​Yaradan mənimçün səni yaratdı
Sevgimin şahidi bu kainatdı.
Bu sevda içimdə alovdu, oddur,
Yanmağın əən incə ədası sənsən.