Badamlı Balqabaq Taratoru

Tərkibi

2 xörək qaşığı zeytun yağı

2 ədəd balqabaq (kabak)

1 diş sarımsaq

1,5 stəkan süzmə qatıq

2–3 xörək qaşığı təzə pendir

1 xörək qaşığı küncüt yağı

Duz

Üzəri üçün

1 ovuc dilimlənmiş badam

Bir neçə damcı küncüt yağı (istəyə görə)

Hazırlanması

Tavaya zeytun yağını əlavə edib qızdırın.

Balqabaqları sürtgəcdən keçirin, artıq suyunu sıxın və tavaya əlavə edin. Yumşalana və suyu çəkilənə qədər qovurun.

Əzilmiş sarımsağı əlavə edib 1–2 dəqiqə də qovurmağa davam edin. Sonra ocaqdan götürüb ilıqlanmasını gözləyin.

Ayrı bir qabda süzmə qatıq, təzə pendir, küncüt yağı və duzu hamar kütlə alınana qədər qarışdırın.

Ilıq balqabaqları qatıq qarışığına əlavə edib yaxşıca qarışdırın.

Hazır taratoru servis boşqabına yayın.

Dilimlənmiş badamları quru tavada yüngülcə qovurun və taratorun üzərinə səpin.

İstəyə görə üzərinə bir neçə damcı küncüt yağı gəzdirərək soyuq şəkildə süfrəyə verin.

Məsləhət: Balqabağın suyunu yaxşı sıxmaq və qovurduqdan sonra tam ilıqlanmasını gözləmək taratorun sulu olmasının qarşısını alır və daha ləzzətli nəticə verir.