La Liqanın ötən mövsüm ən yaxşı gənc oyunçusu “Real”da

"Real" klubu "Levante"nin 21 yaşlı hücumçusu Karlos Espi ilə müqavilə imzaladığını açıqlayıb. 

Loading.az-ın xarici mediaya istinadən xəbərinə görə, onun "Kral klubu" ilə müqaviləsi 2031-ci il iyunun 30-na qədərdir.

“Transfermarkt”a görə, "Real" hücumçunun 25 milyon avroluq sərbəst qalma bəndini aktivləşdirib.

"Levante" üçün akademiya məzununun bu satışı klub tarixində ən böyük məbləğ olub.

Ötən mövsüm Espi La Liqada 25 oyunda 11 qol vurub və İspaniya liqasının ən yaxşı gənc oyunçusu seçilib.