Kobaxidze: "Gürcüstan müxalifəti xarici qüvvələrin göstərişi ilə hərəkət edir"

Gürcüstan müxalifəti xarici qüvvələrin göstərişi ilə Rusiyaya qarşı mənfi münasibət formalaşdırıb.              Loading.Az         

xəbər verir ki, bu barədə Gürcüstanın Baş naziri İrakli Kobaxidze özünün "Facebook" hesabında paylaşım edib.                  

Baş nazir bildirib ki, "vətəni olmayan" bəzi Gürcüstan vətəndaşlarının ürəyi Gürcüstandan daha çox Ukrayna üçün ağrıyır və bunun səbəbi onlara verilən göstərişlərdir.

İrakli Kobaxidze müxalifətin səsləndirdiyi fikirlərin həqiqəti əks etdirmədiyini vurğulayaraq bildirib ki, siyasi müxalifət xarici qüvvələrin tapşırıqları əsasında fəaliyyət göstərir. O, həmçinin iddia edib ki, həmin qüvvələrin əsl vətəni Gürcüstan deyil, "dərin dövlət"dir.