Süni intellektlə hazırlanan saxta videoları necə tanımaq olar?
Süni intellekt texnologiyalarının sürətlə inkişafı ilə "deepfake” adlanan saxta videoların sayı da artır. İlk baxışdan həqiqi görünən bu videolar insanlar haqqında yalan məlumat yaymaq, dələduzluq etmək və ictimai rəyi manipulyasiya etmək üçün istifadə oluna bilər.
Bəs süni intellektlə hazırlanan saxta videoları necə ayırd etmək olar?
Loading.az xəbər verir ki, mütəxəssislərin fikrincə, aşağıdakı əlamətlər belə videoları tanımağa kömək edə bilər:
Dodaq hərəkətləri səslə tam uyğun gəlmir
Danışıq zamanı dodaqların hərəkəti səslə sinxron deyilsə, videonun süni intellekt vasitəsilə hazırlanmış olma ehtimalı yüksəkdir.
Göz qırpması və mimikalar qeyri-təbii görünür
Deepfake videolarda insanların göz qırpması ya çox az olur, ya da üz ifadələri normal görünmür.
Üzün kənar hissələrində bulanıqlıq olur
Saç xətti, qulaqlar və çənə hissəsində bulanıqlıq və ya titrəmə müşahidə edilə bilər.
İşıq və kölgələr uyğun gəlmir
Üzdəki işıqlandırma fon və ya bədənin digər hissələri ilə uyğun gəlmirsə, bu da saxta videoya işarə edə bilər.
Səsdə robot effekti hiss olunur
Səs tonu monoton, emosiyasız və ya süni şəkildə yaradılmış kimi səslənə bilər.
Barmaqlar və əl hərəkətləri qəribə görünür
Süni intellekt hələ də əl və barmaqları ideal şəkildə yaratmaqda çətinlik çəkir. Barmaqların sayı və ya hərəkəti qeyri-real görünə bilər.
Mənbəni yoxlayın
Video yalnız naməlum sosial media hesablarında yayılıbsa və etibarlı media orqanları tərəfindən təsdiqlənməyibsə, ona ehtiyatla yanaşmaq lazımdır.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
