Nəriman Axundzadə “Erzurumspor” tarixində ikinci azərbaycanlı oldu

Türkiyə Super Liqasının yeni komandalarından olan "Erzurumspor” FK Azərbaycan millisinin hücumçusu Nəriman Axundzadənı heyətinə qatıb.

Loading.az xarici mətbuata istinadən xəbər verir ki, 22 yaşlı futbolçu 2026/2027 mövsümü üçün Türkiyə klubu ilə 1 illik müqavilə imzalayıb.

Nəriman transferi ilə "Erzurumspor” tarixində forma geyinən ikinci azərbaycanlı futbolçu olub.

"Erzurumspor”da daha əvvəl azərbaycanlı müdafiəçi Ufuk Budak çıxış edib. Budak 2021-2024-cü illərdə klubun formasını geyinib və ümumilikdə 44 matçda meydana çıxıb.

Qeyd edək ki, karyerasında "Qarabağ” və MLS təmsilçisi "Columbus Crew”da çıxış edən Nəriman "Qarabağ”ın heyətində 126 rəsmi oyunda 35 qol və 4 məhsuldar ötürmə ilə yadda qalıb.