Həyətində tapdığı daşın əslində nə olduğunu görüb şoka düşdü

ABŞ-da yaşayan bir cütlük həyətlərində məşhur Art Deco sənətçisi ilə əlaqəli ola biləcək nəhəng heykəl aşkar edib.         Loading.Az       

xəbər verir ki, bu barədə "New York Post" qəzeti məlumat yayıb.                     

Qreq Qetvud San-Fransiskonun Russian Hill məhəlləsində yerləşən evinin həyətində abadlıq işləri apararkən torpağın təxminən 60 santimetr dərinliyində böyük daş lövhəyə rast gəlib.

Əvvəlcə bunun tikinti tullantısı olduğunu düşünən Qetvud qazıntını davam etdirib. Daşı çevirəndə isə onun qadın büstü olduğunu görüb.

Həyat yoldaşı, rəssam Cudi Qitelsonla birlikdə büstü təmizlədikdən sonra Qetvud bunun adi daş olmadığını, sənət əsəri olduğunu anlayıb.

Cütlük təxminən 68 kiloqram ağırlığında olan heykəlin XX əsrin əvvəllərinə aid olduğunu və əsərləri keçmiş Sakit Okean Fond Birjası binasında və Koit Qülləsində nümayiş etdirilən məşhur heykəltəraş Ralf Stekpolun yaradıcılığı ilə əlaqəli ola biləcəyini düşünür.