İsrael Katz Türkiyə prezidenti Ərdoğanı Suriyadakı "təhlükəli macəralar" barədə xəbərdar etdi

İsrailin Müdafiə naziri İsrael Katz Türkiyə prezidenti Rəcəb Tayyib Ərdoğana Suriyada türk qüvvələrinin yerləşdirilməsi ilə bağlı xəbərdarlıq edərək, İsrailin özünü müdafiə etməyə hazır olduğunu bildirib.                        Loading.Az               

Haaretz-ə istinadən xəbər verir ki, Katz X-də yazıb ki, "Ərdoğan Türkiyəni Suriyada təhlükəli macəralara sürükləyir". O əlavə edib ki, "İsrail heç bir qurumun onun təhlükəsizliyini təhdid etməsinə icazə verməyəcək". Katz əlavə edib ki, Türkiyə dövlət başçısı "İsrailin özünü müdafiə etmək əzmini sınamaqdansa, Türkiyə parlamentində İsrailə qarşı boş, xəyalpərəst çıxışlar etməyə davam etməlidir".              

Çərşənbə axşamı günü İsrail təyyarələri Türkiyə nümayəndə heyətinin hərbi aerodromu ziyarət etməsindən sonra Suriyanın Əbu əl-Duhur hava bazasına zərbələr endirib. İsrail bildirib ki, Suriya Türkiyə qüvvələrinin bazada yerləşməsinə icazə verməklə təhlükəsizlik status-kvonu pozmağa yaxındır.

Müəllif: İlkin Məmmədkərimov