İspaniya millisi Bakıda çempion oldu

Bakıda keçirilən FIFA U-15 dünya çempionatının və festivalının qalibi müəyyənləşib.

Loading.az-ın məlumatına görə, A Divizionunun həlledici oyununda İspaniya və Çexiya komandaları üz-üzə gəlib.

Bakı Kristal Zalındakı qarşılaşmanı Azərbaycanın FIFA referisi Əliyar Ağayev idarə edib.

Görüş İspaniya seçməsinin qələbəsi ilə yekunlaşıb - 3:0.

Bundan əlavə, günün ilk yarısında B, C, D, E və F Divizionlarının da qalibi bəlli olub.

A Divizionu

Final

Çexiya 0 - 3 İspaniya

B Divizionu

Final

Portuqaliya 2 - 5 Zambiya (33-cü yer uğrunda)

C Divizionu

Final

Tunis 0 - 3 Belarus (65-ci yer uğrunda)

D Divizionu

Final

Kanada 2 - 4 Tacikistan (97-ci yer uğrunda)

E Divizionu

Final

Mərkəzi Afrika Respublikası 4 - 1 Banqladeş (129-cu yer uğrunda)

F Divizionu

Final

Yeni Zelandiya 2 - 1 Efiopiya (161-ci yer uğrunda)

Xatırladaq ki, oktyabrın 24-də start götürən turnirdə dünyanın 189 ölkəsindən FIFA-ya üzv assosiasiyaları təmsil edən komandalar iştirak ediblər. Çempionat çərçivəsində 1000-ə yaxın oyun baş tutub. U-15 dünya çempionatı Hövsan Yarış Kompleksində keçirilib. Açılış və final görüşləri Bakı Kristal Zalında baş tutub. Azərbaycan millisi yarışı 84-cü pillədə başa vurub.