Öz baxışım var.

Qınama gəl məni, demə ki, sərtəm,
Şişəyim, tufanım, qar, yağışım var.
Bəlkə duymursan misralarımla,
Minlərlə ürəyə bil, axışım var.

Mənə öyüd vermə həyatdan, yaşdan,
Naxələf insandan, yardan, yoldaşdan,
Qoy alım zövqümü qayadan, daşdan,
Mənim bu dünyaya öz baxışım var.

Təravət duyuram güldə, çiçəkdə,
Naz,qəmzə görürəm hər bir ləçəkdə.
Neçə sevən qəlbdə, neçə ürəkdə,
Sevgidən yüz ilməm, min naxışım var.