Şeirim

Yanıb atəşlərə, yanıb odlara,
Sevən ürəklərdə alışar şeirim.
Süzülər qəlblərə sərin su kimi,
Insanin qəlbiylə danışar şeirim.

Sevgidən danışar,eşqdən söz açar,
Nakam könüllərdə alov,köz açar.
Bəzən Günəş olar yerə nur saçar,
Sellərə, sulara qarışar şeirim.

Pislərə, nakora qənim kəsilər,
Ondan çəkinərlər nanəcib kəslər.
Yaxşını doğmatək qoynunda bəslər,
Küsməz, yaxşılarla barışar şeirim.

Verməz bir anını mənasız yelə,
Şirin duyğuları gətirər dilə.
Bir bu dünyadan mən köçsəm belə,
Səmada ulduztək sayrışar şeirim.