Unuda bilmirəm

Unutmağa razıyam,
Ancaq bilmirəm necə
Öz-özümü unutdum
Unutmaq istədikcə.
Qaranlıq gecələrdə ancaq səni axtaran,
Yuxusuz gözlərimə “unut"deyə bilmirəm
Ancaq səninlə dolu bütün röyalarımdan
Arzu xəyallarımdan silib ata bilmirəm
Mən unuda bilmirəm.
Həsrətinlə sükutda sanki fəryad qoparır,
Qəlbimdəki sızıltı, inildəyir ağlayır
Ancaq səni istəyir,ancaq səni çağırır.
Unut deyə bilmirəm,mən unuda bilmirəm
Təsəllilər bəxş edən ən xoş kəlmələr belə,
İnsanı əyləndirən ən şən nəğmələr belə
Danki qəlbə dəyirlər..
Gözlərim bəhanəylə ağlamaq istəyirlər,
Göz yaşımdan mən səni silib ata bilmirəm,
Mən unuda bilmirəm.
Sənlə dolu şeirlər,sənlə dolu nəğmələr
Elə bil kaman kimi qəlbimi inlədirlər
Mən susdura bilmirəm.
Səni görən zamanlar qəlimdə döyüntülər
Sanki böyük sevginin akkordların çalırlar
Dayan deyə bilmirəm,mən unuda bilmirəm.