İsrail ordusu son 10 gündə 456 fələstinlini qətlə yetirib

İsrail ordusunun Qəzza zolağına son 10 gündə həyata keçirdiyi hücumlarda 456 fələstinli həyatını itirib. Sun.Az xəbər verir ki, Qəzzada Fələstin Səhiyyə Nazirliyindən verilən açıqlamada İsrailin Qəzza zolağına 334 gündür hücumları ilə bağlı məlumat verilib.

Buna görə İsrail ordusunun Qəzzanın müxtəlif bölgələrində son 24 saatda həyata keçirdiyi hücumlarda 42 nəfər həyatını itirib, 107 nəfər isə yaralanıb.

İsrail ordusunun Qəzzaya hücumları nəticəsində son 10 gündə 456 nəfər həyatını itirib, 930 nəfər isə yaralanıb.

İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda ölənlərin sayı 40 min 861-ə, yaralıların sayı isə 94 min 398-ə çatıb.