Unudur hər şeyi, unudur adam
Unudur zamanla, unudur adam.
Unudur gözünün işıltısın da,
Özünün, səsinin pıçıltısın da.
Unudur hər şeyi, unudur adam.
🤎📜✨🌹
Gözünü açırsan, zülüm görürsən,
Gözünü yumursan, ölüm görürsən.
Dünyada nələr var, gülüm, görürsən...
Unudur hər şeyi, unudur adam.
🤎📜✨🌹
Anan da, atan da yad olur daha,
Ömrün də, günün də bad olur daha.
Bədən də, kəfəndə şad olur daha...
Unudur hər şeyi, unudur adam.
🤎✨🌹📜
Qiyməti bilinmir söz yazanların,
Haqq deyib haqq ilə düz yazanların.
Yaddaşı silinir biz yazarların...
Unudur hər şeyi, unudur adam.
🌹✨📜🤎
Evinin yolunu itirəcəksən,
Önünə keçmişi gətirəcəksən,
Qayıdıb köksünü ötürəcəksən...
Unudur hər şeyi, unudur adam.
🌹✨• Nail Zeyniyev
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
