Azərbaycanda xəstəlik vərəqələri elektronlaşır

Bu il mayın 1-dən etibarən sığortaolunan şəxslər üçün xəstəlik vərəqələri yalnız elektron sənəd formasında tərtib edilir.

Səhiyyə Nazirliyindən bildirilib ki, bu sənədlər Vahid Səhiyyə İnformasiya Sistemi (VSİS) üzərindən hazırlanır və Dövlət Sosial Müdafiə Fondunun ƏMAS altsisteminə birbaşa elektron qaydada ötürülür.

Kağız daşıyıcıda xəstəlik vərəqələrinin təqdim olunmasına ehtiyac qalmır.

Proses daha sürətli, şəffaf və əlçatan şəkildə həyata keçirilir.