Tramp: "ABŞ və İran nüvə proqramı üzrə razılaşmaya yaxındır"

"ABŞ və İran Tehranın nüvə proqramı ilə bağlı böhranı həll etmək üçün razılığa gəlməyə yaxındır".

Loading.Az TASS-a istinadən xəbər verir ki, bu barədə ABŞ Prezidenti Donald Tramp bildirib.

"Bəlkə də İranın bizim orada radioaktiv toz yaratmayacağımızla bağlı şərtlərlə razılaşdığını oxumusunuz, bunu dostcasına deyirəm. Mən onlar üçün hər şeyin yaxşı olmasını istəyirəm. İran böyük ölkədir, lakin onların nüvə silahı ola bilməz. Hər şey sadədir. Heç bir 30 səhifəlik sənəd yoxdur, sadəcə bir cümlə - onların nüvə silahı ola bilməz. Düşünürəm ki, biz razılaşmaya yaxınıq", - Tramp Dohada ABŞ və Qətər iş adamları ilə görüşdə bildirib.