Qazaxıstanlı qolkiper "Sabah"dan ayrılacaq

"Sabah"ın bu ilin yanvarında sıralarına qatdığı Stas Pokatilov müqaviləsini yeniləməyəcək.

Loading.Az "Sportinfo"ya istinadən xəbər verir ki, Qazaxıstan millisinin qapıçısı altıaylıq müqavilə imzaladığı klubdan ayrılmağı üstün tutub.

O, rəsmilərlə görüşərək, müqaviləni uzatmayacağını qeyd edib, ölkəsinə qayıtmaq fikrini qətiləşdirdiyini bildirib.

Qolkiper bir-neçə təklifinin olduğunu, Azərbaycanda karyerasının başa çatdığını, mayın 31-də "Qarabağ"la keçirəcəkləri kubokun final matçının ardından vətəninə dönəcəyini söyləyib.

Pokatilov karyerası ərzində Qazaxıstanın "Akjayık" (2010-2013), "Şaxtyor Karaqanda" (2013-2015), "Aktobe" (2015-2016, 2022-2023), "Kayrat" (2016-2022), "Tobol" (2024) və Rusiyanın "Rostov" (2016) komandalarında çıxış edib.