Deyirsən ki unutmaram? Görək də..

Yaşa dönüb gözlərimnən süzülmə
Mənnən ötrü narahatsan?
Üzülmə..

Keçdi daha, bax, soyudu ürək də
Deyirsən ki unutmaram?
Görək də..

Özün kimi gedişin də, çox sadə
Geri dönmək fikrindəsən?
Nə badə..

Sağalıbdı ürəyimin sən yeri
Mənə tərəf yol almısan?
Dön geri..

Bulud varsa yağmalıdı yağış da
Bu yağışda tək qalmısan?
Bağışla..

Gəlibdi ağlın başına sonunda
Mənsiz yaşaya bilmirsən?
Öl onda...💐

#XalidVəli