NATO-da kütləvi ixtisarlar: Rütteni ittifaqı yenidən strukturlaşdırmağa nə vadar etdi?

NATO-nun baş katibi Mark Rütte alyansın strukturunda kütləvi ixtisar prosesinə başlayıb.

Loading.Az xəbər verir ki, bu barədə "Politico" təşkilatın rəhbərliyindəki mənbələrə istinadən məlumat verib.

İslahat çərçivəsində Brüssel qərargahında iki bölmənin ləğv edilməsi və onlarla vəzifənin ixtisar edilməsi planlaşdırılır. Məlumatlı mənbələrə görə, bu tədbirlər ABŞ-nin alyansdan mümkün çıxması ilə bağlı narahatlıqlarla bağlıdır.

"Yenidən təşkil olunma NATO-ya şübhə ilə yanaşan ABŞ Prezidenti Donald Trampın bir gün hərbi ittifaqı tərk edə biləcəyi ilə bağlı narahatlıqlar fonunda baş tutub", - deyə nəşr qeyd edir.

Məqalədə qeyd edilir ki, NATO-nun baş katibi növbəti üç il yarımı ABŞ-nin alyansdan çıxmasının qarşısını almağa sərf edəcək.