Kosmik səyahət insan orqanizminə necə təsir edir? - NASA-dan açıqlama

ABŞ Milli Aeronavtika və Kosmik Tədqiqatlar İdarəsi (NASA) 50 ildən çox davam edən araşdırmalar nəticəsində kosmosa səyahətin insan orqanizminə təsirləri ilə bağlı hesabat yayıb.

NASA hesabatda insan orqanizmi üçün kosmik səyahətin beş əsas riskini, Aya və Marsa gələcək missiyaların astanasında onlarla mübarizə üsullarını açıqlayıb.

NASA kosmosda insan sağlamlığı üçün beş əsas risk müəyyən edib: Radiasiya, izolyasiya, məsafə, cazibə dəyişikliyi və qapalı mühitlər.

Radiasiya, xüsusilə Yerin qoruyucu atmosferindən kənarda məruz qaldıqda, xərçəng və ya ürək xəstəliyi riskini artırdığı üçün ən böyük narahatlıqlardan biridir.

Uzun missiyalar zamanı təcrid edilmə kosmonavtlar üçün böyük psixoloji risklər yaratsa da, NASA bu problemlərlə virtual reallıq və kosmik bağlar kimi üsullarla mübarizə aparır.