Portuqaliya - Azərbaycan matçının hakimləri açıqlandı

Portuqaliya və Azərbaycanın 21 yaşadək futbolçulardan ibarət milli komandaları arasında keçiriləcək Avropa çempionatının seçmə qrup oyunu üçün təyinatlar açıqlanıb.

Loading.Az xəbər verir ki, sentyabrın 5-də Barseluş şəhərində təşkil olunacaq qarşılaşma Kiprdən olan hakimlər briqadasına həvalə olunub.

Baş hakim Konstantinos Fellasa yan xətlərdə Pavlos Georgiu və Giorgios Xaralampus, eləcə də Dimitris Solomu dördüncü hakim qismində kömək edəcəklər.

Serbiyalı Deyan Filipoviç hakim-inspektor, ingiltərəli İan Atkins UEFA nümayəndəsi funksiyasını yerinə yetirəcək.

Qeyd edək ki, "Cidade de Barcelos" stadionunda keçiriləcək B qrupunun oyunu Bakı vaxtı ilə saat 22:30-da başlanacaq.