Gündə bir qədəh şərab – Xeyirlidirmi?

Gündəlik bir stəkan şərabın tərkibindəki antioksidantlar sayəsində ürək üçün faydalı olduğuna inanılır.

Kardioloq Maqdalena Perelo bu iddianın doğruluğunu qiymətləndirib.

Həkim vurğulayıb ki, istənilən spirtli içki ürəyə mənfi təsir göstərir. Çünki spirtli içkilər aritmiya və ürək çatışmazlığının inkişaf riskini artırır, həmçinin ürək kameralarının patoloji genişlənməsinə səbəb olur.

Həkimin fikrincə, şərab içmək riski çox işlənmiş qidalar, əlavə edilmiş şəkər və trans yağları istehlak etmək riski ilə müqayisə edilə bilər.

Ürək üçün faydalı antioksidanlara gəlincə, Aralıq dənizi pəhrizinə əməl etsəniz, onları digər qidalardan əldə edə bilərsiniz. Perelo düşünür ki, bu cür pəhriz infarkt və insult riskini 30 faiz azaldır.