Bu məşhur “iPhone” modeli köhnəldi – Şirkətlə əlaqələri tam kəsildi

“Apple” şirkəti kiçik ekranlı dizaynı ilə bir dövrə imza atan birinci nəsil iPhone SE-ni "köhnəlmişlər" kateqoriyasına yerləşdirib.

Bu qərarla, sözügedən model artıq dünya miqyasında “Apple” mağazalarında aparat təminatı xidməti və dəstəyi almayacaq.

Qeyd edək ki, “Apple”ın siyasətinə görə, məhsul satışı dayandırıldıqdan yeddi il sonra "köhnəlmiş" hesab olunur.

2018-ci ilin sentyabr ayında istehsalı dayandırılan iPhone SE, bu yaşa çatdığı üçün siyahıya əlavə edilib.