"Qiymətli" sərnişinlər - Stüardessalar kimləri belə adlandırırlar?

Britaniyalı stüardessa təyyarə heyətinin problemli sərnişinləri bir-biri arasında hansı gizli kodlarla adlandırdığını açıqlayıb. O, belə sərnişinləri uçuş zamanı hansı xoşagəlməz halların gözləyə biləcəyindən danışıb.

Britaniyalı bələdçinin sözlərinə görə, bəzi sərnişinlərin aqressiv və ya kobud davranışı ekipajın işini çətinləşdirir və uçuş prosesinə mane olur.

Onun sözlərinə görə, əgər heyət üzvləri sərnişini öz aralarında “qiymətli” adlandırırlarsa, bu, əslində həmin şəxsin problemli və kobud davrandığı anlamına gəlir. “Əgər biz bir sərnişinəqiymətli deyiriksə, bu o deməkdir ki, o, özünü çox pis aparır”, – o bildirib.

Belə qiymətli sərnişin artıq bütün ekipaj tərəfindən tanınır və bu da onun bortda necə xidmət alacağına təsir göstərə bilər. Bununla belə, stüardessa qeyd edib ki, müxtəlif aviaşirkətlər problemli sərnişinləri tanımaq üçün fərqli kod sözlərdən istifadə edə bilərlər.

Stüardessa bildirib ki, ümumiyyətlə, ekipaj üzvləri arasında çoxsaylı kodlar mövcuddur və bu, ilk növbədə operativliyi artırmaq üçündür. Sərnişinlərin identifikasiyası zamanı isə adlardan istifadə edilmir.

“Əgər biz sərnişin haqqında danışırıqsa, onun adını yox, oturacaq nömrəsini deyirik. Məsələn, Meri, 50-ci sırada oturan, kofe istəyir demirik. Biz 50 Delta, 50 Kilo və ya 50 Charlie deyirik. Sadəlik üçün oturacaq nömrələri və əlifba kodlarından istifadə edirik”, – o izah edib.

Bu cür detallara həddindən artıq maraq göstərməyə ehtiyac yoxdur. Lakin zarafatla əlavə edib ki, sərnişinlər təsadüfən qiymətli Filipp adlandırılıb-adlandırılmadıqlarına diqqət yetirə bilərlər.