Sənan Aslan şeir

Gecələr çox uzun keçir nədənsə

Sənsizəm deyə hər an qəmli oluram 

Sevgimi salıblar dar bir qəfəsə 

Sənsiz keçən hər gün dəli oluram

Üzünü görməyim kifayət etmir

Öpərək gözünə baxmağım gəlir 

Səni sevirəm demək mənə bəs etmir 

Sənə sarılaraq yatmağım gəlir

Gecəylə gündüzü səhv salmışam mən

Sən yoxsan gündüz də gecə kimidir 

Sevgi hissini sənlə dadmışam mən 

Səndən ayrı qalmaq məni incidir

Gəl biz bu hicrana son qoyaq daha

Qovuşsun səmada ulduzlarımız 

Qucaqlaşaq artıq, sarılaq daha 

Çin olsun ən gözəl arzularımız