Avropa, yoxsa Avrasiya? Ermənistanda referendum təşəbbüsü gündəmdə

Avrasiya İqtisadi Birliyinin (AİB) liderləri tərəfindən təklif edilən Avropa və Avrasiya inteqrasiyası arasında seçimlə bağlı Ermənistanda referendum keçirilməsi təşəbbüsü təşkilatın özünə zərər vura bilər.                 Sun.Az                  

xəbər verir ki, bu fikri Ermənistan Tətbiqi Siyasət Tədqiqatları İnstitutunun (APRI) elmi işçisi Sergey Melkonyan Lenta.ru-ya açıqlamasında səsləndirib.                        

Politoloqun sözlərinə görə, bu məsələ kifayət qədər mübahisəlidir və Ermənistan əhalisinin əksəriyyətinin belə bir referendumda AİB-də qalmağın lehinə səs verəcəyini təsdiqləyən ciddi əsaslar yoxdur.

Bununla yanaşı, Melkonyan hesab edir ki, Rusiya və AİB-ə üzv digər ölkələr ictimai rəy sorğularının Ermənistan cəmiyyətinin real mövqeyini tam əks etdirmədiyinə ümid edə bilərlər. Onun fikrincə, mümkün səsvermə nəticələri vətəndaşların rifah səviyyəsindəki artımı Avrasiya inteqrasiyası ilə əlaqələndirdiyini göstərə bilər. Bu isə öz növbəsində ölkə rəhbərliyini xarici siyasət kursuna yenidən baxmağa sövq edə bilər.