Bir dövrün sonu: “Google Assistant” Android telefonlardan silinir

“Google” 4 sentyabr 2026-cı ildən etibarən “Google Assistant” xidmətini Android telefon və planşetlərdən mərhələli şəkildə ləğv edəcəyini açıqlayıb.

Loading.az xəbər verir ki, onun yerini tamamilə süni intellekt əsaslı Gemini köməkçisi tutacaq.

Dəyişiklik bir neçə həftə ərzində bütün istifadəçilərə tətbiq ediləcək və bundan sonra “Google Assistant”a geri qayıtmaq mümkün olmayacaq.

Gemini əvvəlki səsli köməkçidən fərqli olaraq daha mürəkkəb sualları cavablandıra, mətnlər hazırlaya, şəkilləri analiz edə və müxtəlif tətbiqlərlə daha geniş inteqrasiya təklif edə bilir.

“Google” bildirir ki, bu keçid istifadəçilərə daha ağıllı və fərdiləşdirilmiş köməkçi təcrübəsi təqdim etmək məqsədi daşıyır.

Şirkət yaxın aylarda Geminiyə yeni funksiyaların da əlavə ediləcəyini açıqlayıb.