PSJ onu 55 milyona alır

PSJ 21 yaşlı belçikalı cinah oyunçusu Mika Qodtsun transferi ilə bağlı “Ayaks”la razılığa gəlib.

Loading.az xəbər verir ki, Paris klubu təklifini artırıb və futbolçu üçün 55 milyon avro ödəməyə hazırdır. Amsterdam təmsilçisi bu şərtlərlə razılaşıb, lakin tərəflər hələ transferi rəsmiləşdirməyiblər. Lazımi sənədlər hələ imzalanmayıb.

Qodts 2023-cü ilin yanvarından “Ayaks”da çıxış edir. O, “Genk”dən Amsterdam klubuna keçib.

Belçikalı futbolçu cari mövsümdə 4 oyuna çıxıb, 1 qol vurub və 3 məhsuldar ötürmə edib.