Bərə qəzasında ölənlərin sayı 97-ə çatdı
Şimali Zimbabvedə bərənin qəzaya uğraması nəticəsində ölənlərin sayı 97-yə çatıb.
Cin.az xəbər verir ki, bu barədə Zimbabve Milli Polis Xidməti "X" sosial şəbəkəsində məlumat yayıb.
Hökumət nümayəndəsi Monika Mutsvanqvanın daha əvvəl bildirdiyinə görə, 90 nəfər üçün nəzərdə tutulan bərə avqustun 11-də Zambezi çayı üzərindəki Kariba su anbarında təxminən 180 nəfəri daşıyıb.
Daha əvvəl 93 nəfərin öldüyü, 77 nəfərin isə xilas edildiyi bildirilmişdi. Bir neçə nəfər itkin düşüb.
Kariba su anbarında axtarış-xilasetmə işləri davam etdirilir.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
