Elm adamlarını heyrətləndirən HADİSƏ - 9 saat səmada qaldı...
Tayvanın paytaxtı Taypeydə yağan yağışlardan sonra yaranan göyqurşağı 9 saat boyunca səmada qalıb.
Loading.az xəbər verir ki, Çin Mədəniyyət Universitetinin yaxınlığında baş verən təbiət hadisəsi elm adamları və tələbələr tərəfindən izlənilib.
Universitetin Atmosfer elmləri professoru Çou Kunşuan belə bir hadisəyə nadir hallarda rast gəlindiyini bildirib. Bunun bir rekord olduğunu deyən professor əldə etdikləri bilgiləri toplayaraq "Ginnesin Rekordlar Kitabı"na göndərəcəklərini söyləyib. Rekordlar kitabında qeydə alınan ən uzun müddətli göyqurşağı rekordu sonuncu dəfə 1994-cü ildə İngiltərənin Şeffild şəhərində 6 saat boyunca itməyən göyqurşağı olub.
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
