Həqiqətə, ümumiyyətlə, nifrət edir adamlar...
Yarısından o tərəfə yır-yığış etməkmiş ömür,
Qara suya ağ sözünü qapqara yazdı bu kömür...
Kimdir səndən soruşan ki, ölənlərin necədir?
Kimdir soran son nəfəsdə-görən, saat neçədir?
Di gəl ki, gör-ağ yalandı aradığın həqiqət,
Mən demişdim, başı qarlı bu dağlara güvənmə...
Adam var, bir ovuc dənə quşu göydən endirir,
Odur, çərpələng uçuran uşaqlara güvənmə...
Gör bu mömin ağacları – budaq açıb səcdəyə,
Azan vaxtı quşların uçuşları duadır...
Güvəndiyin dağların qarı ağ yalandısa,
Yalanın dadı olmur, ən acısı su dadır...
Bir də! Çox da öyünmə ki, həqiqəti bulmusan,
Elə tərs əlli də var ki, iki misli yüz etmir...
Ona görə deyirəm ki, yüz yaşasın ağ yalan,
Bir də! Bir həqiqət var ki, kimsə ondan söz etmir...
Qorxma, quzum, yaxın gətir qulağını, deyirəm,
Baxma sənə quzum dedim, deyiləm mən canavar.
Unutma ki, hər nə qədər sevməsə də yalanı,
Həqiqətə, ümumiyyətlə, nifrət edir adamlar...
Ceyhun Ötkəm
Qara suya ağ sözünü qapqara yazdı bu kömür...
Kimdir səndən soruşan ki, ölənlərin necədir?
Kimdir soran son nəfəsdə-görən, saat neçədir?
Di gəl ki, gör-ağ yalandı aradığın həqiqət,
Mən demişdim, başı qarlı bu dağlara güvənmə...
Adam var, bir ovuc dənə quşu göydən endirir,
Odur, çərpələng uçuran uşaqlara güvənmə...
Gör bu mömin ağacları – budaq açıb səcdəyə,
Azan vaxtı quşların uçuşları duadır...
Güvəndiyin dağların qarı ağ yalandısa,
Yalanın dadı olmur, ən acısı su dadır...
Bir də! Çox da öyünmə ki, həqiqəti bulmusan,
Elə tərs əlli də var ki, iki misli yüz etmir...
Ona görə deyirəm ki, yüz yaşasın ağ yalan,
Bir də! Bir həqiqət var ki, kimsə ondan söz etmir...
Qorxma, quzum, yaxın gətir qulağını, deyirəm,
Baxma sənə quzum dedim, deyiləm mən canavar.
Unutma ki, hər nə qədər sevməsə də yalanı,
Həqiqətə, ümumiyyətlə, nifrət edir adamlar...
Ceyhun Ötkəm
Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.
