Tanımadı qapım səni

Görünmədin bir kimsəyə
Çətin mən də tapım səni.
Qanadım yox uçum göyə
Göy üzundə tapım səni.

Göyə qalxan tüstüdəmi,
Bir buludun üstündəmi,
Məsciddəmi, kilsədəmi, -
Hansı dində tapım səni?

Mən bu Allahsız ölkədə
Azmışam yolu bəlkə də.
Hansı dalanda, döngədə,
Hansı tində tapım səni?

Bilmirəm necəsən, necə? -
Bilmirəm bəlkə bu gecə
Sən idin qapımdan keçən
Tanımadı qapım səni...

Ramiz Rövşən