Mariya Zaxarova Qərbin Ermənistanla bağlı planlarından danışdı

Qərbin Ermənistanın nadir torpaq ehtiyatlarına marağı var.                 Sun.Az                    

xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova TASS-a açıqlamasında bildirib.              

Diplomatın sözlərinə görə, "təəssüf ki, Qərbdə hələ də 'ələ keçirmək, soymaq, mənimsəmək, alçaltmaq və məhv etmək' məntiqi qalmaqdadır və bu yanaşma, o cümlədən Qafqaz regionunda da tətbiq olunur".

Zaxarova qeyd edib ki, ABŞ dövlət katibi Marko Rubionun Ermənistana son səfəri zamanı tərəflər arasında hüquqi baxımdan məcburi xarakter daşıyan heç bir beynəlxalq müqavilə imzalanmayıb.

Onun sözlərinə görə, imzalanan sənədlər daha çox resurs tutumlu sahələrə və nadir torpaq ehtiyatları sektoruna marağın artdığını göstərir.